Mikabat sa lima ka mga indibidual ang nakabsan sa kinabuhi atol sa nasinatiang halapad nga pagbaha sa Bangsamoro region sa milabayng semana.
Matud pa nga tulo ang namatay gikan sa Matanog, Maguidanao del Norte samtang duha ang gikatahong nakabsan gikan sa Kapatagan, Lanao del Norte kana base sa datos gikan sa Office of the Civil Defense-Bangsamoro Autonomous Region in Muslim Mindanao kon OCD- BARMM.
Makita usab sa datos sa OCD-BARMM nga 12 ka mga indibidual ang gikatahong naangol- walo gikan sa Matanog ug upat gikan sa Balabagan, Lanao del Sur.
Lima usab ang gikatahong namissing sa maong rehiyon diin duha niini ang taga Matanog, duha sa Balabagan ug usa gikan sa Kapatagan.
Anaa sa 72,500 ka mga pamilya ang naapektuhan sa halapad nga pagbaha gikan sa 336 ka mga barangay sa maong rehiyon.
Naghatag na og tabang ang local government units sa mga biktima sa maong pagbaha.
