DAVAO CITY – Hisgutan sa City Council sa ipahigayon nga sesyon ugmang adlawa, ang pa-apruba sa resolusyon sa ipanday nga ordinansa nga magdili sa pag-inom daplin sa kadalanan diin mamahimo ng pangdakpon kung hingpit na kini mapatuman.
Kahinumduman nga gawas sa liquor ban, giduso sab ni Councilor Mabel Sunga-Acosta, committee chair sa peace and order and public safety sa konseho ang resolusyon nga adunay titulong nagdili sa pag-inom ug ilimnong makahubog sa mga publikong agi-anan, sidewalks, parke, playgrounds ug sa uban pang pampublikong lugar.
Hinuon wala sumala pay labot sa maong ordinansa ang mga nagtagay sa mga establisemento nga adunay mga permit gikan sa kagamhanan lokal ingon man kadtong anaa sa sulod sa panimalay ug kung adunay selebrasyon sama sa birthday basta kay dili lamang mohimo ug kasamok nga makadisturbo sa uban.
Sa higayon nga mapalabang, hayan nga makamulta ug P3,000 ang first offense; P5,000 ug pagkabilanggo sulod sa tulo ka bulan sa second offense ug P5,000 ingon man pagkabilanggo sulod sa usa ka tuig ang ulahi ug pinakabug-at nga silot sa mga malapason sa balaud.
