DAVAO CITY – Niabot na sa Davao city ang 4th Boat Attack Division sa Philippine Navy, diin gidawat kini sa Naval Forces Eastern Mindanao (NFEM).
Gilangkoban kini sa tulo ka Mk3 class Multi-Purpose Assault Craft nga naabot na kini ug anaa sa Naval Station Felix Apolinario, Panacan, Davao City.
Ang nahisgutang kabtangan kabahin kini sa ng Active Archipelagic Defense Strategy sa Philippine Navy nga mas magpakusog pa sa defense system.
Tumong sa 4th Boat Attack Division, nga maangkon ang paspas nga interception, magpahigayon sa rapid attacks , sakto nga pagsagawa og missile strikes aron aron suportahan ang mga misyon sa NFEM ug Eastern Mindanao Command’s (EMC).
Aduna sab kini Spike-Extended Range missile launch system, mini typhoon machine gun system, light machine guns, automatic rifles, ug mga pistola, nga adunay kapaspason o cruising speed nga 30-35 knots ug maximum speed nga 45 knots.
Pwede sab niini gukdon ang mga nangikyas nga kalaban pinaagi sa Hot Pursuit operations. Lakip ang nahisgutang naval assets sa nagpadayon nga AFP Modernization Program, ingon man pagsubay sa mandato sa armadong hukbo sa nasud aron maprotektahan ang mga mamamayan ug seguridad sa Estado.
