DAVAO CITY – Nakuhaan ug armas lakip ang iligal nga druga sa mga operatiba sa Digos PNP ang usa ka alias Kano pasado alas otso ang takna kagabii.
Subay sa report sa kapulisan, gipahigayon sa mga otoridad ang hiniusang pagsilbi sa Warrant of Arrest sa mga personahe sa Digos PNP, uban ang PDEU, SWAT ug 1st DSPMFC Intel personnel nga giisyu sa korte tungod sa kasupakan sa RA 10591 nga miresulta sa pagkasikop ni Lenon Abatayo Lapaz alias “Kano” (SLI), 46-anyos, minyu ug residente sa Purok Gemilina, Barangay Cogon,Digos City.
Atol sa search operation, nakumpiska sa mga nahisgutan ang usa ka punto trayntay otso nga rebolber nga dunay lima ka mga bala.
Samtang adunay lima sab ka mga transparent plastic sachets nga gituohang shabu ang nakumpiska nga gisulod sa coin purse color itom ug usa ka disposable lighter, usa ka itom nga medyas nga gigamit isip holster ug usa ka itom nga sling bag.
Nasayran nga ang iligal nga droga ang adunay gibug-aton nga 2.52 grams nga adunay Standard Drug Price nga mokabat sa P17,136.
Sa karon ang dinakpan ang anaa na sa kostudiya sa kapulisan sa Digos ug pasakahan kini ug kasong pagsupak sa RA 9165, kabahin sa kalambigitan sa iligal nga droga ug kasupakan sa RA 10591 kon paghupot ug armas nga walay igong dokumento.
