DAVAO CITY – Gihulat na lamang karon sa Probinsiya sa Nabunturan Davao de Oro ang schedule sa gikatakda nga culling alang sa 45 ka mga baboy nga iya sa napulo ka mga hog raisers sa nahisgutan nga lalawigan human nga nahilakip kini sa kinahanglan nga i-depopulate gumikan sa natalang kaso sa African Swine Fever (ASF) nga usa ka lugar nga sakop sa nahisgutan Barangay.
Laraw sumala pa niini nga mapugngan ang pagkaylap sa mga baboy nga matakdan ug ASF ug dili sab maapektohan ang uban nga mga hog raisers.
Una ng nakigtigom ang Municipal Veterinarian ngadto sa mga apektadong hog raisers kini aron nga ipasabot pag-ayo sa mga nahisgutan kung nganong kinahanglan nga himuon ang nahisgutan nga lakang.
Kahinumduman nga una ng gipasalig sa ahensiya sa Department of Agriculture (DA)-II nga hatagan nila ug assistance ang mga hog raisers nga kalakip ang ilang mga binuhing baboy sa mga ipailalom sa culling ilabi na nga kadaghanan sa mga nahisgutan ang nanginabuhi lamang pinaagi sa pag-atiman ug mga baboy.
Bantayan na sab karon sa lalawigan ang boarder pasulod sa nahisgutan nga barangay aron masiguro nga wala mapayuhot nga baboy ug karne ingon man walay makagawas usab nga binuhing baboy gikan sa apektadong barangay.
Kahinumduman nga pipila ka mga lugar sa Davao region ang naapektohan sab sa pagkuyanap sa ASF sa milabay nga tuig nga nakaapekto sab sa daghanang mga hog raisers.
