DAVAO CITY – Moabot na sa 430 ka mga personahe sa department of education davao region ang naka-kompleto na sa ilang bakuna batok covid 19 karong panahona.
Sa pakighinabi sa bombo radyo gikanayon ni Dodong Atillo ang tigpamaba sa DepEd 11, sa nahisgutang ihap 130 ang mga senior citizens nga nmga teaching personnel, 185 ang mga deped health personnel, 38 ka School heads ug 77 ang mga non teaching personnel.
Gawas sa maong ihap, moabot usab sa 3,701 ka mga eped personnel ang nahatagan ug first dose nga gilangkuban sa 211 laz health personnel, 2,679 ka mga teaching personnel, 497 – non teaching personnel ug 314 ka mga principals ug supervisor.
Gilauman sa DepEd 11 nga mapun-an pa ang nahisgutang gumikan sa nagpadayong vaccination ug sa daghang ihap sa mga personnahe niini ang mipadayag ug interes nga mabakunahan.
Sa pikas bahin, andam usab sumala pa ang Edped nga ipagamit ang nahabilin pang mga school buildings sa higayon nga hangyuon kini sa lokal nga kagamhanan.
Gipaniguro usab sa ahensiya nga dili mabalda ang kalihukan sa mga magtutudlo ilabi na ang distribution sa modules gumikan kay adunay laing mga lugar ang gitagana alang sa nahisgutang kalihukan.
Sa karon moabot na sa 58 ka mga public school buildings ang gigamit isip isolation ug vaccination sites latas sa davao region.
