Mokabat sa kinatibuk-an nga dul-an P700,000 ang kantidad sa iligal nga droga kon shabu ang nakumpiska sa usa ka babae sa mga operatiba sa Special Operations Unit 11 sa Philippine National Police Drug Enforcement Group (PNP-DEG) atol sa gilusad nga drug buybust operation.
Subay sa report sa mga kapulisan, gilusad ang operasyon pasado alas Otso ang takna kagabii sa daplin sa karsada sa Brgy. Bunawan ning dakbayan sa Davao diin giila ang dinakpan nga si alyas “Bay” 43-anyos nga giila nga usa ka HVI kon High-Value Individual (HVI). Nakumpiska sa mga otoridad ang nagkadaiyang pakete sa iligal nga droga kon shabu nga nagkantidad og P680,000 nga mitimbang og Usa ka gatos gramos.
Lakip usab sa narekober ang buybust money ug cellphone nga gigamit sa transaksyon.
Sumala pa sa mga otoridad nga ang suspetsado ang gidala sa Police Station 6 sa Bunawan alang dokumentasyon ug disposisyon, samtang ang nakumpiskang iligal nga droga kon shabu ang gitugyan sa Regional Forensic Unit 11 sa, Ecoland ning dakbayan sa Davao alang sa laboratory examination.
Kasong pagsupak sa RA 9165 ang atubangon sa nahisgutang dinakpan
