40 patay tungod sa walay puas nga pag-ulan sa Brazil

Miabot na sa 40 ka mga tawo ang namatay tungod sa kusog nga pag-ulan nga miresulta sa pagbaha sa Brazil.

Sumala sa state fire departments sa Minas Gerais, adunay 27 pa ang natala nga wala pa makit-i.

Daghang residente ang nawad-an og pinuy-anan samtang ang uban gipahikling sa mga evacuation site tungod sa landslide nga nahitabo.

Lisod kaayo alang sa mga rescuers ang pagpangita sa mga natabunan tungod sa baga nga lapok.

Gisiguro sa federal government sa Brazil ang ilahang tabang alang sa mga naapektuhan nga mga residente.