Anaa na sa upat ka mga tawo ang gikataho nga namatay sa pagdahili sa yuta sa Brgy. Agusan, Cagayan de Oro City gumikan sa pag-igo sa Tropical Storm Basyang, matud sa Police Regional Office 10 (PRO10) karong karong adlawa.
Sumala ni deputy spokesperson sa Office of Civil Defense (OCD) nga si Diego Agustin Mariano nga ang upat ka mga nakabsan sa kinabuhi, usa ka pamilya nga gilangkoban sa duha ka hamtong ug duha ka mga bata.
Samtang subay sa report, ang National Disaster Risk Reduction and Management Council (NDRRMC) mibutyag nga 6,152 ka tawo o 1,848 ka pamilya sa Caraga ang naapektuhan sa Basyang.
Sa kinatibuk-ang apektadong populasyon, 5,847 ka tawo o 1,710 ka pamilya ang nagpabilin sa mga evacuation center samtang 268 ka mga tawo kon 101 ka pamilya ang nidangop sa ubang mga lugar.
Sumala sa NDRRMC, nahatag na sa mga biktima ang tabang nga nagkantidad og P246,585 gikan sa gobyerno nga kini gilkangkuban sa mga pagkaon og kagamitan.
