DAVAO CITY – Nagpa-alim na karon sa balay tambalanan ang pipila ka mga sakop sa Scout Ranger ilalom sa 701st Infantry Brigade Philippine Army human ang nahitabong aksidente diin nahagbong ang ilang gisakyan nga trak sa San Ignacio, Manay, Davao Oriental.
Kahinumduman nga upat ang anaa sa talandugon nga kahimtang samtang pipila ang samaran human ang nahisgutan nga insidente.
Matud pa kang Police Chief Insp. Lino Akiangan hepe sa Manay Municipal Police Station, nga gikan sa Barangay Macopa sa nahisgutan nga lungsod ug pabalik na sa ilang kampo ang mga sundalo dihang nakasinate ug aberya ang ilang gisakyan nga trak nga maoy hinungdan sa pagkahagbong niini sa pangpang.
Human ang insidente, dali nga gipangdala ang mga biktima sa balay tambalanan diin padayon sab karon nga gi-obserbahan sa mga doktor ang ilang kahimtang.
Dugang imbestigasyon ang gipahigayon karon sa otoridad human ang insidente.
