Gipasakaan na og kaso sa National Bureau of Investigation (NBI) ang upat ka mga vlogger tungod sa pagmanipula sa mga video interviews sa pipila ka mga opisyal sa gobyerno.
Sumala ni Senior Agent Raymond Macorol sa NBI Crime Intelligence Division, ilahang gisang-at sa Department of Justice ang mga kasong pagsupak sa Anti-Alias Law ug inciting to sedition.
Lakip sa gi-manipula sa mga vlogger ang mismong si NBI Director Jaime Santiago, aron ipakatag ang mga sayop nga impormasyon.
Sa maong video, gibutyag nga gipangunahan sumala pa sa opisyal ang mga overseas Filipino workers nga dili na magpadala og remittance.
Wala usab gihisgutan ni Macorol ang mga pangalan sa mga vlogger nga gipangkasuhan. Apan sumala pa sa mga otoridad sila nakabase sa Saudi Arabia, Canada, New Zealand, ug usa sa United Kingdom.
