DAVAO CITY – Bisan nga wala hinganli apan gikumpirma sa Department of the Interior and Local Government (DILG) 11 nga anaa sa upat ka mga Mayor sa Davao region ang na-isyuhan ug show-cause orders sa ahensiya gumikan sumala pa sa “poor performance” niini sa pagpanghatag ug emergency cash subsidy ilalom sa Social Amelioration Program (SAP) sa ilang lugar.
Una ng gibutyag ni DILG Secretary Eduardo M. Año, nga ang nahisgutan nga mga local chief executives (LCEs) kinahanglan mohatag ug katin-awan nganong huyang ang ilang performance luyo sa gihatag nga lugway human ang deadline nga gihatag sa mga LGU sa pagpanghatag ug mga hinabang nga natapos kaniadtong milabay nga semana.
Gikanayong ang upat ka mga Mayor sa Davao region ang kalakip sa 43 ka mga alkalde nga na-isyuhan ug show cause orders human nga napakyas ang mga nahisgutan nga makompleto ang pagpanghatag ug SAP sa mga benepisiyaryo.
Apan una ng gibutyag ni Department of Social Welfare and Development (DSWD)-Davao information officer Kristelle May Cagatin nga kadaghanan sumala pa sa Mayor sa local government units sa Davao Region ang nakakompleto na sa pagtunol ug cash aids sa mga apektadong pamilya.
Gikanayong kagahapong adlawa, anaa na lamang sa tulo ka mga LGUs kalakip na ang dakbayan sa Davao ang wala pa naangkon ang 100 porsyento sa pagpanghatag ug hinabang.
