4 ka ballistic missiles nga gikan sa Iran, naharang sa Saudi Arabia

Nababagan sa Ministry of Defense sa Saudi Arabia ang upat ka ballistic missiles.

Ang maong mga missiles nagtumong sa pipila ka pasilidad sa Riyadh.

Tungod niini gipasidan-an nila ang mga residente nga magpuyo sa ilang balay tungod sa posibilidad sa pagkatag sa debris ug gipasidan-an usab nga dili kini kuhaon.

Gipasigarbo usab sa Israel Defense Forces (IDF) nga adunay 200 ka targets nga ilang naigo sa Iran. Pinaagi sa ilahang mga fighter jets, naigo niini ang mga target sa western ug central Iran.

Lakip niini ang mga lugar diin gitago ang mga ballistic missiles, air defense systems, ballistic missile launchers, ug mga himuanan sa armas.

Gisiguro usab sa Israel nga magpadayon ang ilahang mga pag-atake sa Iran hangtod mahurot ang armas niini.