Gibutyag ni Atty. Aimee Agbayani, Legal Affairs Division Chief, RIAS 11 nga kasamtangang ginapailalom pa sa pre-charge investigation ang mga kapulisan sa DCPO nga una ng gitanggal sa ilahang katungdanan.
Sumala pa sa opisyal nga human niini nga imbestigasyon, kung adunay probable cause sumala pa ang mga nahisgutan gilayon kining ipailawom sa summary hearing kon formal investigation ug sa higayong mapamatud-an kining sad-an, mag atubang kini og administrative case.
Apan dugang pa sa opisyal nga sa pagkakaron taas pa gayud ang daganon niini nga proseso. Gikumpiram sab niini nga ang 35 ka mga personahe sa kapulisan sa dakbayan nga na relieve,wala kini ayuda nga nadawat ug walay sweldo sumala samtang anaa kini karon sa PRO-11.
Gipaklaro sab ni Agbayani nga ang mga pulis nga nga gipang relib ang mamahimong makakiha ug ilahag kaugalingon abogado nga modepensa sa ilahang kaso nga giatubang ug mamahimo sab nga gikan sa ilahang han-ay.
Sa pagkakaron, adunay duha ka mga kaso ang naduso sa pito ka mga insidente atol sa drug buybust operation nga gikamatay sa pito ka mga indibidwal.
