DAVAO CITY – Tingkagol sa prisohan ang usa ka Elvin Camallere, 35 anyos, ulitawo ug residente sa Brgy. San Isidro, Kiblawan, Davao del Sur human kini nga masangit sa Checkpoint.
Matud pa sa dinakpan, buot niyang mulantaw sa gipahigayong 2022 Mutya ng Digos kagabie sa San Jose Highway dakbayan sa Digos. Apan paglabang niini sa Balutakay Fixed/Quarantine Checkpoint Digos City Police Station, nakapkapan ang dinakpan sa iyang dala nga calibre .45 nga pistola lakip ang tulo ka mga magazine niini nga puno og bala.
Samtang laing duha sab ka pakete sa shabu ang nakuha gikan sa nahisgutan. Kahinumduman nga hugot ang pagpatuman sa maong syudad og seguridad alang sa ika-22 ka tuig nga kasumaran niini. Prisohan ang napaingnan sa dinakpan samtang giandam sab ang patong patong nga kasong ipasang-at batok niini.
