DAVAO CITY – Gipasalig sa kasundaluhan nga dili mamahimng dakong bahad sa nasud ang mga kanhi sakop sa NPA nga misurrender sa militar ug karon nahimo nang mga regular nga sakop sa Armed forces of the Philippines.
Gikanayon ni Captain Mark Anthony Tito, ang tigpamaba sa 10th Infantry Batallion sa Philippine Army nga mipa-ilalom na sa daghanang proseso sa militar ang mga kanhi rebeldi aron hingpit nga mapapa sa ilang panghunahuna ang sayop nga mga idilohiya sa rebelding grupo, ug mahulipan kini sa mga positibong panlantaw sa kinabuhi partikular na ang mga maayong programa ug proyekto sa gobyerno nga makatabang ug dako aron mapalambo ang kinabuhi sa matag usa uban ang malinawon nga pagpuyo sa katilingban uban sa tagsa-tagsa ka pamilya.
Ang nahisgutang pahayag ni captain Tito ang may kalabutan sa dul-an 34 ka mga kanhi NPA member nga opisyal nang nanhimong mga sundalo.
Ang nahisgutang mga former rebels ang kabahin sa 286 ka mga bag-ong miembro sa 10th ID nga bag-uhay lamang migraduate sa 6 ka bulan nga training sa Candidate Soldier Course (CSC) nga gipahgayon sa Sgt Demerin Grandstand, Camp General Manuel T Yan Sr., sa Mawab, Davao De Oro niadtong April 28, 2022.
Sumala ni Tito, usa sa 34 nga former rebel nga sundalo na karon mao Daniel Castillo alyas Steven, kanhi Political Instructor sa Guerilla Front 55 sa CTG nga mi-surrender sa 10ID niadtong November 2020.
Sukad sa pagsurrener ni Castillo daghan na kini ug natampo sa malampuson nga mga operasyon sa militar batok sa rebelding grupo.
Ang 28 ka mga graduates ang gilangkuban usab sa 126 ka mga kanhi CAFGU, kapin usaka gatus ka mga Lumad, ug ang uban mga highly skilled individual.
