32 patay sa Palm Sunday attack sa Ukraine

Mokabat na sa 32 na ang patay, samtang 83 ang naangol human magpalupad ang Russia og ballistic missile sa siyudad sa Sumy sa Ukraine kagahapong adlawa.

Gikondena ni Ukrainian President VolodymyrZelenskiy ang maong pag-atake, nga usa sa pinakagrabe nga pagpamomba sa Russia batok sa Ukraine karong tuiga. Sa kinatibuk-an, halos 13,000 ka mga sibilyan sa Ukraine ang namatay sukad misugod ang kagubot niadtong 2022. Sumala pa ni Zelensky ang mga dautang nilalang lamang ang makabuhat sa maong pagpangataki.

Nanawagan si Zelenskiy sa Europa ug Estados Unidos nga pabayron ang Russia sa ilahang gibuhat.