DAVAO CITY – Gibutyag ni Davao City Mayor Sara Duterte-Carpio nga 32 ka mga pasahero nga sakay sa Philtranco bus, nga miabot sa siyudad niining milabay nga adlaw gikan sa Manila ang gipailalom na sa quarantine sulod sa 14 ka adlaw sa Davao de Oro.
Sumala pa sa Mayor, usa sa mga nahisgutan ang adunay susama nga sintomas sa coronavirus disease diin sa nahisgutan nga panahon wala sila gitugtan nga makasulod sa checkpoint.
Gipahibalo sumala pa si Mayor Inday ni Monkayo Mayor Ramil Lao Gentugaya kalabot pag-abot sa nahisgutan nga bus.
Gikanayong mihatud ug kabalaka sa publiko ang maong bus human nga usa sa mga pasahero niini ang infected na matud pa sa maong virus.
Gikuwestiyon sab ni Mayor Inday kung nganong gitugtan ang maong bus nga mobiyahe ilabi na nga una ng gipatuman ang community quarantine sa Metro Manila.
Sa kasamtangan, gipailalom sa quarantine ang tanan nga mga pasahero sa bus sa usa ka farm nga duol sa entrance sa Davao de Oro ug hatagan lamang ug pagkaon ang mga nahisgutan.
