32 ka Cuban nationals, kabsan sa kinabuhi atol sa pag-atake sa US sa Caracas, Venezuela

Mokabat sa kinatibuk-ang 32 ka Cuban nationals ang nakabsan sa kinabuhi atol sa pag-atake sa Estados Unidos sa Caracas nga miresulta sa pagkasakop sa Presidente sa Venezuela nga si Nicolas Maduro, sumala sa gobyerno sa Havana niadtong Domingo.

Una nang gibutyag ni US President Donald Trump niadtong Sabado nga daghang mga Cuban ang nakabsan sa kinabuhi sa dihang giatake sa pwersa sa Amerika ang Venezuela ug gidakop si Presidente Nicolas Maduro.

Nasayran nga ang Cuba ug Venezuela mga suod nga kaalyado sa Latin America, nga nagpaambit sa komunistang ideolohiya ug magkahiusa sa pag-atubang sa economic sanctions sa Estados Unidos.