31 ka mga mananagat nga nabilanggo sa Indonesia mapasalamaton sa Duterte Administration human naka-uli na sa ilang pamilya
Dako ang pasalamata sa mga mananagat nga nangadakpan ug nangabilanggo sa nasod Indonesia nga gitabangan sila sa kagamhanan aron nga mapadali ang ilang pagbalik sa ilang tagsa-tagsa ka mga pamilya.
Sumala pa kang Roy Sumalinog, legal ang edad, residente sa Jamboreenangan, Gov. Generoso, Davao Occidental nga nakabalik pa siya sa iyang pamilya.
Gi-angkon ni Sumalinog nga 13 ka bulan siya nga nabilanggo sa nasampit nga nasud, kung diin usa ka bulan siya sa bilanggo-an sa Immigration sa Indonesia, ug usa ka tuig usab sa bilanggo-an.
Gidugang niini nga pipila lamang siya ka bulan nga nabilanggo dili sama sa iyang mga kaubanan tungod bag-ohay lamang siya ug unang higayon pa siya nga nadakpan sa mga tinugyanan sa balaod sa Indonesia.
Samtang, gibutyag usab ni Sumalinog nga bisan paman sa grabeng kapait nga nasenati-an sa bilanggo-an sa Indonesia managat pa gihapon kini apan maglikay na sa kadagatan sa Indonesia.
Ug mas palabihon niya nga sa kadagatan sa Surigao ug sa Mati na lamang siya managat sa higayon nga maka-desisyon na siyang nga mubalik na sa pagpanagat.
