DAVAO CITY – Diretso gipaslak sa presohan ang usa ka 31 anyos nga lalaki kinsa nasikop sa mga personahe sa Santo Tomas Municipal Police station atol sa buy bust operation sa Purok 7A FD RD # 2, Barangay Tibal-og, Santo Tomas, Davao del Norte.
Naila ang dinakpan nga si alyas “Jonnel”, Truck Driver, non-government beneficiary, ug residente sa Purok 7A FD RD # 2, Barangay Tibal-og, Santo Tomas, Davao del Norte.
Napalitan sa otoridad ang nahisgutan ug ginadili nga druga bugti sa buy bust money hinungdan nga giposasan gilayon kini sa otoridad.
Nagpabilin karun sa kustodiya sa Sto. Tomas PNP ang dinakpan ug gi-andam na ang kasong paglapas sa RA 9165 o Comprehensive Dangerous Drugs Act of 2022 batok kaniya.
Gipasalig sa otoridad sa lalawigan nga magpadayon ang ilang operasyon alang sa paggukod sa mga nalambigit sa susama nga mga aktibidad.
Gidayeg sab sa Police Regional Office (PRO)-11 ang kapulisan sa gihimo niini nga pagpaningkamut aron lamang mapugngan ang mga tawo nga padayong nalambigit sa pagpamaligya sa illegal nga druga.
