DAVAO CITY – Gibanabana nga mokabat ngadto sa 300 ka mga pamilya ang naapektohan sa lawum na mga pagbaha kaganinang kaadlawon ug hangtud kaganinang buntag gumikan sa wala’y puas nga mga pag-ulan kagabii sa Panacan ug uban pang dapit sa dakbayan.
Kini ang pagbanabana ni Mr. Rodrigo Bustillo, City Disaster Risk Reduction Management Office Opertions Officer, kinsa namahayag nga wala’y kinabuhi nga nakalas sa nahisgutan nga pagbaha, apan sa mga lugar nga grabeng naapektohan mipatuman sila ug pursanon nga pagpapahawa sa mga residente gumikan sa kusog nga bul-og sa tubig baha.
Nakabalik na sa ilang mga pinoyanan ang mga apektado sa baha human mihubas ang mga pagbaha.
Hinoon wala dayon gi-pullout ang mga rescue sa dapit kaganinang buntag sa pagpaneguro nga dili na subling mabutang sa katalagman ang kinabuhi sa mga residente
