DAVAO CITY – Mokabat sa 300 ka mga Information and Communication Technology (ICT) industry players gikan sa pampubliko ug pribadong sector ang magtigom karung adlawa, Abril 5 alang sa 1st Philippine Impact Sourcing Conference (Piscon) sa usa ka Hotel sa Palma Gil Street, ning siyudad.
Matud pa kang ICT Davao, Inc. President Samuel Matunog nga hisgutan sa maong tigom ang paglunsad sa National Broadband Network (NBN) aron nga masolusyonan ang hosting requirements sa mga ahensiya sa gobyerno ingon man cyber security.
Kahinumduman nga nagbaton ug dakong paglaom ang ICT industry Davao Region human ang pag-apruba sa NBN ni Pangulong Rodrigo Duterte.
Gikanayong pinaagi sa tukma nga pagpatuman sa broadband network, mas daghanang investments ug bag-ong negosyo ang paspas nga molambo.
Una ng gibutyag ni Agriculture Secretary Emmanuel Piñol nga mitando na si Pangulong Duterte sa kamugnaan sa National Government Portal ug National Broadband Plan atol sa ilang gipahigayon nga cabinet meeting sa Malacanang.
