Gikabutyag nga posibleng mukabat sa P300 hangtod sa P500 million ang gikinahanglang pondo alang sa emergency repair sa San Juanico Bridge sa Eastern Visayas, subay sa pagbana-bana sa Office of Civil Defense (OCD).
Gipahayag ni OCD Administrator Usec. Ariel Nepomuceno, gitun-an na sa kagamhanan kung mahimong gamiton ang Disaster Risk Reduction and Management (DRRM) fund, gumikan kay wala pay alokasyon gikan sa Department of Public Works and Highways (DPWH). Nasayran sa katapusang assessment sa DPWH, adunay problema sa structural integrity sa tulay, hinungdan nga gidili una ang mga sakyanan nga mosobra sa tulo ka tonelada ang gibug-aton.
Kahinumduman, gitukod ang San Juanico Bridge kaniadtong 1969 ug natapos niadtong 1973 ug ikatulo nga pinakataas nga tulay sa nasud nga nagkonekta sa mga isla sa Samar ug Leyte.
