DAVAO CITY – Nagpatuman na karon ug hugtanon nga mga sumbanan sa pagpanghatag ug relief goods sa Makilala North Cotabato kini human nga anaa sa 30 ka mga bakwit ang nangalanang sa gihatag nga pagkaon sa evacuation centers.
Kahinumduman nga daling gitambalan ang mga pasyente human nga nakasinate ug pagpanakit sa ilang tiyan nga nanakit human nga mikaon sa nilagang baboy ug kan-on.
Gawas sa nasinatian nga pagpanakit sa tiyan, nagsuka-suka ug nagkalibanga sab ang mga apektadong residente sa Barangay Patulangon ug Malabuan sa Makilala.
Sumala pa kang Acting Vice Gov. Shirlyn Macasarte Malabuan-Villanueva sa North Cotabato, nagpagula sila ug kamandoan nga temporaryo una nila nga i-ban ang paghatag ug hot meal o pack lunch sa mga bakwit aron nga malikayan ang susama nga insidente.
