DAVAO CITY- Gikanayon sa tigpamaba sa Davao City Police Office (DCPO) nga gipatuman na sa syudad ang 3-minute response time nga una nang gipasalig atol mismo sa paglingkod ni PBGen. Nicholas Torre III sa PRO XI.
Sumala pa ni PCapt. Hazel Tuazon nga nasulayan na ang maong lakang apan pagpaklaro niini nga ning kasamtangan, dinhi pa lamang sa downtown area.
Hinoon, padayon kining ginapalambo sa kapulisan aron makaabot sa Pacquibato ug Marilog areas.
Dugang pa ni Tuazon nga ayha paman ang implementasyon niini, nagconduct gilayon sila og inventory sa mga gamit susama na lamang sa mobile patrol car, mga radyo, ug uban pa.
Sa pikas bahin, usa sa nahisgutan nila Davao City Mayor Baste Duterte ug PCol. Hansel Marantan atol sa courtesy call niini, mao ang seguridad sa publiko hilabi pa sa umalabot nga mga aktibidad sunod bulan.
