Mibuto pag-usab ang Bulkang Taal niadtong Domingo, Oktubre 26, 2025, diin tulo ka gagmayng pagbuto ang na-record sa buntag, sumala sa Philippine Institute of Volcanology and Seismology (Phivolcs).
Sumala sa Phivolcs, ang unang phreatic eruption nahitabo alas 2:55 sa kadlawn, gisundan sa duha ka phreatomagmatic eruptions alas 8:13 ug alas 8:20 sa buntag.
Ang maong pagbuto resulta sa panagtagbo sa magma ug tubig sa ba-ba sa bulkan, samtang ang phreatic eruption tungod sa kainit nga gipaingon sa magma sa tubig o yuta sa ibabaw sa ba-ba.
Nakuhanan usab sa mga camera sa Phivolcs ang abo nga misaka sa 1,200 hangtod 2,100 metros gikan sa ibabaw sa ba-ba.
Bisan pa sa sunod-sunod nga pagbuto, nagpabilin gihapon sa Alert Level 1 ang Taal Volcano. Gidili gihapon ang pagsulod sa Permanent Danger Zone (PDZ), ang paglayag sa lawa, ug ang pagpalupad og eroplano duol sa bulkan.
Gipasidaan usab sa ahensya ang posibilidad nga adunay steam explosion, pag-uyog sa yuta, pag-ulan sa abo, ug pagawas sa gas nga makadaot sa lawas.
Kahinumdoman nga niadtong, Oktubre 25, mibuto sab ang Taal ug tulo ka minuto samtang na-record ang siyam ka linog ug 436 toneladang sulfur dioxide emission.
