DAVAO CITY – Gihatagan lamang ug napulo hangtud sa kinse diyas ang tulo ka mga Barangay Kapitan sa New Bataan, Compostela Valley aron nga tubagon kung unsa ang hinungdan sa wala nila pagpatuman sa anti-illegal drugs campaign sa kagamhanan.
Kini ang gibutyag ni Alex Roldan ang Regional Director sa Department of Interior and Local Government (DILG) XI, sa pakighinabi sa Bombo Radyo Davao.
Nahimong intresado usab si Dir. Roldan sa mamahimong tubag sa nahisgutang mga barangay officials tungod kay unique sumala pa kini nga nahitabo sa tibuok rehiyon.
Una ng gihinganlan ni Police Senior Supt. Manuel Gaerlan ang director sa Police Regional Office (PRO) 11 ang mga nahisgutan nga si Brgy. Captain Romeo Carsano sa Kamanlangan New Bataan, Carmelita Depatanon sa Tandawan ug Ronaldo Calamba sa Brgy. Batinao sa nahisgutan nga probinsiya gumikan kay pakyas ang mga nahisgutan nga ipatuman sa ilang mga lugar ang Barangay Anti-Drug Abuse Council (BADAC).
Buot usab ni DILG Dir. Roldan nga makahinabi ang nahisgutang mga barangay officials aron nga matabangan sa usa mang problema nga ilang gi-atubang ug aron mamahimong epektibo sa ilang pagpanerbisyo sa katawhan.
