DAVAO CITY – Luyo sa kanunay nga pahimangno sa otoridad nga likayan ang pagkalambigit sa ginadili nga druga, daghanan pa gihapon ang masikop gumikan sa pagpamaligya niini.
Paslak karon sa Sta.Ana PNP ang tulo ka mga durugista human nasikop sa gilusad nga drug-buybust operation sa mga operatiba ubos sa pagdumala ni PMaj. Benkalin Baluan, Station Commander pasado alas 12:00 kagahapon sa udto sa Prk.22-E, Rose St.Sabroso Ecoland, Brgy.76-A ning dakbayan sa Davao.
Ang dinakpan naila nga sila Juevirs De Garcia alyas Renz, Arnold Careñosa ug Ruben Meguelles.
Nakumpiska sa mga nahisgutan ang managlahing gidak-on sa iligal nga druga kon shabu.
Samtang narekober sab ang buybust money atol sa maong operasyon.
Gikatakdang pasakahan ug kasong kalapasan sa Republic Act 9165 kun Comprehensive Dangerous Drugs Act of 2002.
