DAVAO CITY – Mukabat sa 1,500 ka mga partisipante ang laoman nga mosalmut atol sa pagsugod karung adlawa sa National Information Convention 2018 sa SMX Convention Center SM Lanang Premier, nga maoy labing una nga convention nga paluyohan sa Presidential Communications Operations Office (PCOO) sa Office of the President.
Ang nahisgutan nga convention molungtad ug hangtud Pebrero 21 diin magtapok ang national ug local government information officers, national ug local private media, digital media groups, non-government organizations ingon man civil society organizations, academe, communication students, information, communications ug technology partners.
Una ng gibutyag ni Harold Clavite, Director sa Philippine Information Agency-Davao nga maoy nagsilbi nga secretariat sa nahisgutan nga convention, laoman sumala pa nga magbaton ang mga partisipante ug dugang kaalam sa mga programa sa gobyerno ug mekanismo aron nga mamahimong kabahin sa pagpalambo ug pagtukod sa nasud ingon man magbaton ug maayo nga panlantaw sa public advocacy ug social mobilization ug mapalambo pa ang public-private partnership sa development communication.
Kalakip sa mga motambong sa convention ang mga eksperto sa communication field sa government ug non-government, digital ug traditional.
Laraw sab sa maong convention nga mahunong ang mga fake news ug mapugngan ang pagkatag sa mga sayop nga impormasyon
