Gipaaresto na sa mga law enforcement agencies ang 29 sa 30 ka mga pulis nga gilambigit sa matod pa planting of evidence ug mishandling sa usa ka high profile case nga adunay kalabutan sa pagkumpiska sa mosobra sa 900 kilo nga shabu nga mubalor sa P6.7 bilyon sa Tondo, Maynila niadtong Oktobre 2022.
Nagpagawas ug warrant of arrest si Judge Gwyn Calina sa Metro Manila Regional Trial Court Branch 44 batok sa nahisgutang mga pulis gumikan sa kasong pagsupak sa Comprehensive Dangerous Drugs Act of 2002.
Kahinumduman nga gikan sa 30 nga gikasuhan, duha na ang retirado gumikan sa edad, usa ang mipahawa sa serbisyo ug tulo ang gipiling magretiro na lamang, duha ang natanggal, samtang 22 ang aktibo sa serbisyo.
Nahilakip sa mga gipaaresto sa korte mao sila si PLt.Gen. Benjamin D. Santos Jr., PBGen. Narciso D. Domingo, PCol. Julian T. Olonan, PLt.Col. Dhefry A. Punzalan, PLt. Jonathan G. Sosongco, PMSG Carlos C. Bayeta, Pat. Hustin Peter A. Guiar, Pat. Rommer I. Bugarin, Pat. Hassan O. Kalaw, Pat. Dennis L. Carolino, PCpl. Joshua Ivan Baltazar, Pat., Nathaniel Gomez, PLt. Ashrap T. Amerol, PSMS Jerrywin H. Rebosora, PSMS Marian E. Mananghaya, PMSG Lorenzo S. Catarata, PSSG Arnold D. Tibay PCol. Arnulfo G. Ibanez, PLt.Col Glenn Gonzalez, PMaj. Michael Angelo C. Salmingo, PLt. Randolph A. Pinon, Pat. Mario M. Atchuela, Pat. Windel C. De Ramos, PLt. Silverio P. Bulleser II, PCMS Emmanuele E. Docena, PMSG Alejandro F. Flores, PCpl. Jhan Roland L. Gelacio, Pat. James G. Osalvo at Pat. Darius R. Camacho.
Samtang gipahamtangan ug pyansa ang mga nahisgutan ug P200,000 matag usa kanila.
Gimando-an usab sa judge ang mga law enforcers nga magsuot ug body-worn camera ug alternative recording devices aron marekord ang himuong pag-aresto, subay sa Rules on the Use of Body-Worn Cameras in the Execution of Warrants.
