DAVAO CITY – Gikatakda nga i-turn over sa lokal nga kagamhanan ang 280 ka mga tablets ngadto sa mga kabus nga tinun-an ilalom sa “Student Siblings Laptop Sharing Project” karong adlawa.
Sumala pa kang Norman Baloro, tigpamaba sa proyekto nga ang gadgets una na nga gidonar sa JV Ongpin Foundation pinaagi sa buhatan ni Vice-Mayor Sebastian Duterte.
Kaniadtong Setyembre sa milabay nga tuig, nanghatag sab ang lokal nga kagamhanan ug 300 laptops ngadto sa mga estudyante sa junior ug senior public high schools alang sa ilang online classes ilalom sa “Student Siblings Laptop Sharing Project.”
Gitataw sab ni Baloro nga aron ma-qualify isip benepisiyaryo, kinahanglan nga gikan sa kabus nga pamilya ang usa ka tinu-an ug walay sarang nga ikapalit niniini samtang kadtong mga estudyante nga naka-enroll sa scholarship programs ug assistance sama sa Eskwela Davao, STEP scholarship, CHED-LGU Tulong Dunong Program ang dili na kwalipikado sa Laptop Sharing Project.
