DAVAO CITY – Gikasubo nga gianunsyo sa Philippine Eagle Foundation (PEF) ang pagkamatay sa 28 anyos nga Philippine Eagle nga si Pag-asa.
Sumala sa pamahayag sa Philippine Eagle Foundation, nga nahibaloan nila nga nakabsan na sa kinabuhi si Pag-asa kaniadtong Enero 6, 2021 gumikan sa impeksyon sa sakit nga Trichomoniasis ug Aspergillosis nga usa ka peligroso sama na lamang niining raptors.
Kahinumdoman nga si Pag-asa ang pinakauanang Philippine Eagle nga nabuhi gumikan sa tabang sa cooperative artificial insemination (CAI) techniques.
Gikaingon nga si Pag-asa bunga sa usa ka malampuson nga 14 katuig nga pagtuon diin mihatag kini og paglaom sa mga critically endangered species hilabi na sa conservation mission.
Bisan paman nga namatay na si Pag-asa, magpabilin gihapon kini nga inspirasyon sa tanang katawhaang naningkamot aron masalbar ang lahi sa usa ka national bird gikan sa pagkawala sailang mga kaliwat.
Magselebrar unta si Pag asa saiyang ika 29 anyos nga natawhan karong umaabot nga Enero 15.
