Nadakpan ang usa ka 28-anyos nga Pilipino sa Long Beach, California tungod sa gipasangilang pagpadala og salapi sa Islamic State of Iraq and Syria (ISIS), nga giila nga usa ka designated foreign terrorist organization.
Gipasakaan og kaso si Mark Lorenzo Villanueva tungod sa tinuyo nga paghatag sumala pa og material support sa usa ka terroristang grupo nga usa ka felony offense nga mahimong silotan og hangtod 20 ka tuig nga pagkabilanggo.
Sumala sa mga otoridad, 12 ka higayon nga nagpadala og kwarta si Villanueva nga nagkantidad og $1,615 kon kapin P92,000 sulod sa lima ka bulan.
Atol sa iyahang pag-aresto, nakit-an pag-usab sa mga otoridad ang usa ka gituohang bomba, nga karon ilaha na nga ginaimbestigahan.
Sa pagkakaron, wala pa usab mopaguwa og pamahayag ang nadakpan nga Pilipino.
