DAVAO CITY – Malampuson nga naluwas ang usa ka 28 anyos nga lalaki atol sa gilusad nga rescue operation sa mga sakop sa Nabunturan Emergency Response Team(NERT); Municipal Disaster Risk Reduction and Management Officer, Bureau of Fire Protection (BFP) ug uban pang hingtungdan nga ahensiya sa kagamhanan kalabot sa insidente diin nahagsa ang tunnel sa Purok 12, Barangay Mainit Nabunturan Davao de Oro.
Dungan sa nahisgutan nga insidente, na-trap sumala pa sa sulod ang usa ka 28 anyos nga lalaki nga si alyas Alvin kinsa residente sa nahisgutan nga dapit.
Mapasalamaton ang kabanay sa biktima human luwas kini human ang 16 ka oras nga operasyon.
Kahinumduman nga pipila ka mga insidente na sa pagkahagsa sa tunnel ang natala sa Davao de oro diin pipila niini ang wala na nakagawas ug buhi samtang adunay mga indibidwal usab ang hingpit na nga nalubong.
