DAVAO CITY – Dakpan sa gilusad nga drug buy bust operation sa Mabini Municipal Police station kagabie ang usa ka 28 anyos nga lalaki human nga nakuhaan kini ug pakete sa ginadili nga druga.
Hiniusa nga gipahigayon ang operasyon sa mga otoridad sa Purok Samahan, Lower B, Cabuyoan, Mabini Davao de Oro nga miresulta sa pagkasikop sa suspek nga nailang si Willy Jayt Pableo Arellano, 28 anyos, walay trabaho ug residente sa nahisgutan nga dapit.
Narekober sa posisyon sa suspek ang gamay nga pakete sa ginadili nga druga nga mubalor sa P1,000.00 ug mutimbang ug kapin kun kulang 0.1470, usa ka P500 nga marked money, usa ka LCC lighter color green.
Ang mga narekober nga mga ebidensiya gikan sa dinakpan ang anaa na karon sa kustodiya sa Mabini Municipal Police station alang sa tukma nga disposisyon ug gikatakda na kini nga pasakahan ug kasong paglapas sa Republic Act 9165 kun Comprehensive Dangerous Act of 2002.
