DAVAO CITY – Muabot sa 277 ka mga contigents sa Parada Dabawenyo ang andam na musalmot ugmang adlawa sa parada nga magsugod gikan ala-sais sa buntag nga manukad gikan Roxas Avenue padulong San Pedro Square Davao City.
Sumala sa organizer sa kalihokan nga si Harold Quibete, hugot ang ilang pakig-alayon sa Public Safety and Security Office (PSSO) ug City Tourism Office aron masiguro nga luwas ug hapsay ang pagpahigayon sa Parada Dabawenyo karong tuiga.
Una na sab gikanayon ni Quibete nga ang matag contigent nga musalmot, adunay uniporme nga 4 by 10 size nga banner aron paspas kining mailhan.
Sumala ni Quibete nga ang Parada Dabawenyo daw usa ka charter day sa dakbayan sa Dabaw diin masaksihan sa katawhan atol sa parada ang nagkalain-laing “walks of Life” diri sa Dabaw sama sa pagkahilig sa hayop, motorcycle ug car enthusiast, Non-Government Groups, mga grupo sa senior citizen, mga ahensya sa gobyerno ug daghanan pa.
