DAVAO CITY – Giseguro sa mga tinugyanan sa balaod nga lig-on ang mga nakuha nga mga ebedensya batok sa inahan nga mipahubo sa iyang anak atubangan sa mga langyaw nga mga kustomer.
Sa pakighinabi kang Police Chief Inspector Ronald Lao, hepe sa Talomo Police Station nga kasong child trafficking, child pornography, ug child abuse ang kasong giatubang sa suspek nga usa ka alyas Marie, 27 anyos.
Kahinumduman nga nadakpan nga nagpahubo sa iyang anak atubangan sa mga langyaw nga ka chat sa suspek online.
Nabilanggo na sa selda sa Talomo Police Station ang suspek nga nakuhaan ug picture sa iyang sais anyos nga anak nga hubo ug ang claim stub sa usa ka remittance center.
Gipanghimakak alyas Marie nga gipahubo niya online ang iyang anak, gumikan kay depensa niya, siya ang ka-transaksyon sa mga langyaw.
Apan sumala pa kang Lao nga lig-on ang mga nakuha nga mga ebdensya batok sa suspek, pinasikad sa pagtin-aw ni Police Supt. Christine Tan, hepe sa Women and Children Protection Mindanao Field Unit.
Dugang pa sa opesyal nga nakig-alayon na sab sila sa mga international law enforcers aron nga matoltolan ug madakpan ang mga nahimong kustomer ni alyas Marie.
Daku ang pagtuo sa mga tinugyanan sa balaod nga kadaghanan sa mga nahimo nga mga customer sa suspek pulos mga pedophile.
