DVAAO CITY – Gikanayong anaa sa 26 ang ihap sa bagong kaso ang natala sa Police Regional office (PRO) XI ug usa ang namatay, kini ang gikumpirma sa tigpamaba nga si Major Eudisan Gultiano.
Sa pinakabag-o nga datos gikan sa PRO 11 misaka pa ang ihap sa mga nangaayo nga anaa sa 519 human nga nadugang niini ang 14 pa ka mga empleyado .
Gitataw sa nahisgutan nga adunay 146 nga aktibong sa COVID-19 sulod sa PNP sa Rehiyon sa Davao, hinungdan nga misaka kini sa kinatibuk-ang ihap nga 668.
Samtang, giila ni Gultiano ang ikatulong namatay nga mao si police chief master sergeant Palma Dave Gil nga nadestino sa Lupon, Davao Oriental.
Sumala pa niya nga si Gil kauban ang siyam pa nga mga miyembro sa istasyon sa pulisya nga gidala kaniadtong Hunyo 3 sa Municipal Isolation Unit tungod sa positibo nga resulta sa COVID-19.
Nadala pa sa balay tambalanan si Gil kaniadtong hunyo 11 sa Davao Regional Medical Canter sa Tagum City.
Gumikan sa komplikasyon sa pulmonya ug nakbsan kini sa kinabuhi kaniadtong hunyo 12. Samtang nagpabilin karon ang laing siyam pa sa municipal health isolation facility.
