DAVAO CITY – Dul-an nuebe sientos ka mga food packs ang gipadala ni vice president elect Inday Sara Duterte ngadto sa mga residente sa barangay New Carmen Tugbok District ning dakbayan sa dabaw kagahapong adlawa.
Kini ang pahalipay ni Mayor Inday Sara alang sa mga residente sa nahisgutang barangay subay na usab sa iyang pagsaulog sa iyang ika-44 nga adlaw nga natawhan.
Gikanayon ni Third district councilort Joselle Vilalfuerte kini ang isip pagpasalamat usab ni Mayor Inday Sara sa suportra nga iyang nakuha gikan sa katawhan nsa nakalabay nga May 9, 2022 national ug local elections.
Kauban usab ni councilor Joselle ang iyang anak nga si councilor Enzo sa pagpanghatag sa nahisgutang mga food packs.
Lakip usab sa mga miabag sa distribution ang UniteamMD o ang hut-ong sa mga doktor ug mga health professionals sa pagpanguna ni Dr Jett Lu kiinsa usa sa mga mitabang atol sa pagpangampanya ni Mayor Indy Sara ug BBM, ug ang barangay kapitan niini nga so Barangay Kapitan Jerry Ceballos.
Moabot usab sa 2,500 foodpacks ang nahatag sa 30 ka mga purok sa Bunawan, Lasang ug Brgy. Lapu-lapu sa Agdao, Davao City ang nahatag sa Byaheng Uniteam for VP Sara.
