DAVAO CITY – Mikabat sa 25 ka mga indibidwal ang gipangsikop sa otoridad human nga susamang nakalapas ang mga nahisgutan sa non-essential gathering.
Una ng nakadawat ug impormasyon ang otoridad nga adunay natigayon nga panagtapok sa Lemon Ta Tea nga nahimutang sa Magallanes Street, Brgy 2-A, ning dakbayan nga gitambonga sa pipila ka mga indibidwal.
Gikasa gikayon ang operasyon ug akto nga nadakpan ang mga nahisgutan nga nagtapok gumikan kay aduna sumala pay birthday celebration.
Tin-aw sumala pa nga nakasupak ang mga nahisgutan sa non-essential mass gathering ilalom sa Executive order series of 2021 sanglit nagpabilin pa karon nga gipailalom ang dakbayan sa Davao Modified Enhanced Community Quarantine (MECQ) diin hugtanon nga ginadili nga susama nga mga aktibidad.
Susama karon nga gikustodiya sa kapulisan ang mga dinakpan.
