DAVAO CITY – Anaa sa 2,400 gikan sa kapin kun kulang 12,000 business establishments sa siyudad ang naka-comply sa Drug-Free Workplace Program sa dakbayan sulod na sa Enero 23 ning kasamtangan nga tuig.
Sumala pa kang City Anti-Drug Abuse Council (Cadac) technical adviser Donaldo Rivera nga kinahanglan asikasohon na sa mga establisyemento ang gikinahanglan nga rekisitos sulod karong unang quarter ning kasamtangan nga tuig.
Kahinumduman nga sugod karung 2020, gimando na sa Business Bureau nga ilakip sa business permit renewal ang pagpatuman sa tanan nga mga establishments og mandatory drug testing sa ilang mga empleyado ug mopahigayon sab og drug-free workplace seminar.
Gikanayong compulsory kini sa mga service-oriented nga mga negosyo sama sa fast-food chains nga gibana-banaang anaa sa 2,500.
Gawas sa service industry, target sab sa ahensiya ang product-based industries.
Gibutyag sab ni Rivera nga kadtong pakyas sa pag-comply sa gitakda nga panahon, mopahigayon sumala pa ang ahensiya og assessment sa mga kompanya ug mohatag sab sila og technical assistance alang sa pagpatuman sa programa.
