DAVAO CITY – Nakatakda nang tangtangon sa Island Garden City of Samal ang 24 oras nga liquor ban sugod sunod Sabado, Oktubre 16.
Pinaagi sa Executive Order Number 321, mamahimo na lamang dose oras ang liquor ban nga mulungtad gikan alas 9 sa gabii hangtod alas 9 sa buntag.
Mamahimo lang usab nga makonsumo ang ilimnong makahubog sulod sa panimalay ug sa resorts diin opisyal nga naka-book ang mga bisita.
Bawal gihapon ang pagkonsumo ug pagpamaligya og mga bino sa beerhouses, videoke bars, nightclubs, bars, beer gardens, restaurants, ug uban pa.
Sumala ni IGACOS Mayor Al David Uy, adunay panginahanglanon na ablihan ang pipila ka mga economic activity karong nagaandam ang Dakbayan sa new normal.
Kahinumduman nga niadtong Agosto 31 hangtod Setyembre 30 unang napatuman ang 24-hour liquor ban tungod sa local transmission sa mas makatakod nga Delta Variant sa COVID-19.
Niadtong Setyembre 30 usab, gilugwayan pa kini hangtod na sa Oktubre 15.
