Mopili ang 24 ka mga senador og bag-ong Senate President sa opisyal nga pag-abli sa 20th Congress karong Hulyo 28.
Gitutukan karon ang tulo ka posibleng mohulip nga mao sila Senador Chiz Escudero, nga kasamtangang Senate President, kanhing SP Vicente “Tito” Sotto III ug ang reelectionist nga si Senador Imee Marcos.
Gipadayag ni Sen. Alan Peter Cayetano nga kung karon ipahigayon ang botohan, modaug si Escudero, nga gisuportahan sa kapin 13 ka mga senador.
Gisundan kini sa kumpirmasyon ni Sen. Joel Villanueva, nga nagkanayon nga lig-on ang suporta sa kasamtangang lider.
Mitumbok usab ang mga senador nga manag-igsoonng Tulfo nga mosunod sila sa desisyon sa mayorya, samtang wala pa namahayag si Sen. Ping Lacson, nga giisip usab nga posible nga alternatibong kandidato.
Padayon ang mga negosasyon ug panag-estorya sa Senado samtang nagkadool ang sesyon sa Hulyo 28, diin ipahigayon ang pormal nga pagpili og lider sa Senado alang sa mosunod nga termino.
