DAVAO CITY – Mukabat sumala pa sa kinatibuk-ang 2,345 ka mga mananagat sa Davao Region ang gikatakda nga makadawat ug P3,000 fuel subsidy sa Hunyo.
Sumala sa Bureau of Fisheries and Aquatic Resources (BFAR) – Davao itunol ang nahisgutan nga subsidiya sa Hunyo 17, 2022.
Subay sa data gikan sa BFAR-Davao, 496 sa mga beneficiaries ang gikan sa Davao Oriental nga adunay pinakataas nga ihap sa rehiyon, gisundan kini sa 433 beneficiaries gikan sa Davao del Norte, 404 ka mga mananagat sa Davao del Sur, 375 sa Davao Occidental, 349 sa Davao City, ug mga benepisiyaryo sa Davao de Oro nga anaa sa 288.
Sumala pa kang Ma. Erika Guerrero, focal person sa fuel subsidy program sa BFAR-Davao, bugtong mga pinili lamang nga mga mananagat ang kwalipikado nga makadawat ug fuel subsidy kini tungod kinahanglan musubay ang Davao region sa gikinahanglan nga rekisitos nga gitakda sa Department of Agriculture (DA)-BFAR.
Pipila sa gikonsidera ang ihap sa fisheries contribution, registered fisherfolks ug motorized boats ug daghanan pa.
Gihulat na lamang karon ang deposit ug pag-release sa cash cards sa DBP nga laomang mahitabo ayha matapos ang bulan sa Hunyo. Ihatag ang fuel subsidy sa mga mananagat nga naapektohan sa Covid-19 pandemic ingon man sa nagpadayon nga pagsaka sa presyo sa gasolina gumikan matud pa sa away tali Russia ug Ukraine.
Gikanayong ang P3,000 subsidy ang usa ka one-time assistance nga mo-deposit ug cash cards pinaagi sa paggahin ug pondo sa Development Bank of the Philippines ug magamit kini sa pipila ka mga filling station partners sa higayon nga magpatubbil ug gasolina.
Dili sumala pa kini mamahimo nga i-withdraw o baylu-an ug cash.
