-- ADVERTISEMENT --
DAVAO CITY – Gipasalig ni Police Senior Supt. Alexander Tagum, Officer in Charge sa Davao City Police Office (DCPO) nga dili magpanuko nga tangtangon ang usa ka station commander sa higayon nga dili kini magtarung sa iyang trabaho.
Matud pa kang PSS Tagum nga atol sa iyang paglingkod sa bag-ong katungdanan, himuon sumala pa niini ang tanan aron nga mahatag ang maayong serbisyo alang sa mga katawhan sa dakbayan sa Davao.
Gitataw sab sa opisyal nga posibleng adunay mahitabong lahugay sa mga hepe sa kapulisan sa higayon nga dili matuman sa mga nahisgutan ang gipangayo nga standard sa mga angayan nga mamahimong opisyal sa sa usa ka istasyon sa kapulisan.
