DAVAO CITY – Mikabat sa 22 ka mga High Powered Fire Arms sa Pulang Bagani Company sa New People’s Army (NPA) ang gisurender sa tabang sa komunidad sa tri-boundary sa Davao City, Davao Del Norte, ug Bukidnon ngadto sa mga personahe sa Philippine Army Intelligence ug sa 1003rd Infantry Brigade ilalom ni Col. Nolasco Mempin.
Tipik lamang kini human usab ang pagtahan sa ilang miyembro sa milabay nga semana sa Naval Station Felix Apolinario Panacan ning siyudad.
Gikanayong 12 ka mga armas nga gilabgkuban sa 11 ka M16 ug usa ka M14 rifle ang narekober sayo sa buntag kagahapong adlawa human nga gipahibalo sa ngadto sa militar sa mga residente sa Sitio sa northern boundary sa dakbayan ug Davao del Norte.
Laing mga armas sab ang unang narekober sa usa ka Sitio nga utlanan sa Davao City ug Bukidnon human nga gipahibalo sab kini sa mga residente.
Samtang pito sab ka mga armas sa usa ka Sitio nga nahimutang sa utlanan sa Davao City ug Davao del Norte.
Ang sunod-sunod sumala pa nga retrieval nahimong yawe sa pagka-rekober sa 15 ka mga M16 rifles, tulo ka mga M14 rifles, duruha ka Garand rifle, usa ka M2 Carbine, ug usa ka Ultimax Light Machine Gun.
Padayon karon ang panawagan ni Lt. General Felimon T. Santos Jr., Commander sa Eastern Mindanao Command ngadto sa mga armadong gruypo nga mas maayong mobalik na lamang sa sabakan sa kagamhanan ug pahimuslan ang mga programa sa gobyerno.
