DAVAO CITY – Kinatibuk-ang 22 na ka mga empleyado sa Department of Public Works and Highways (DPWH)-Davao de Oro ang kasamtangan nga naka-quarantine human nga nagpositibo ang mga nahisgutan sa Sars-CoV-2 ang virus nga hinungdan sa Covid-19.
Sa gipagulang advisory nga gi-post sa lalawigan sa Davao de Oro, anaa sa 17 ang nagpositibo nga mga empleyado nga gikan sa Tagum City diin lima niini ang gikan sa Davao de Oro.
Gibutyag sab sa Provincial Government nga anaa na karon sa isolation facilities sa ilang tagsa-tagsa ka mga lugar ang mga pasyente.
Kahinumduman nga sirado ang buhatan sa DPWH-Davao de Oro sukad Oktubre 24 alang sa disinfection, samtang nagpadayon sab ang gipahigayon karon ang contact tracing.
Giimbestigahan pa sab karon kung asa naggikan ang virus nga nakatakod sa 22 ka mga empleyado.
