DAVAO CITY – Nakaguba sa baynte dos ka mga kabalayan ang flash flood nga miigo sa Kingking, Pantukan, Compostela Valley Province kagahapon sa buntag.
Subay sa impormasyon gikan sa Municipal Disaster Risk Reduction Management Office (MDRRMO) dese siete ka mga balay ang totally damage ug lima ang partially damage.
Dugang sa MDRRMO grabeng naapektohan sa baha ang Sitio Sta. Cruz diin nahisama sa usa ka dakung suba ang dapit.
Mi-abot sa lapas sa taga-hawak sa tawo ang giladmon sa baha.
Gisalanapan sab sa tubig baha ang Barangay Kingking, Barangay Matiao, Barangay Bongbong, Barangay Fuentes, Bongabong, ug ang Napnapan.
Wala gayud magdahum ang mga residente nga ig-on sila ug mga pagbaha nga karon pa nila masenatii sukad masukad. Localized thunder storm ang gitudlong hinongdan sa pagbundak sa kusog nga ulan sa kabukiran sa Pangantokan.
Mi-abot ngadto sa 675 ka mga pamilya ang naapektohan sa baha, diin ang uban kanila mipalabay sa baha sa municipal gym.
