DAVAO CITY – Misaka karon ang ihap sa mga panghitabong sunog sa dakbayan sa dabaw atol sa pag-obserba sa Fire Prevention Month niining bulan sa Marso.
Kini human mitala ang Bureau of Fire protection ug 21 ka mga panghitabong sunog sa dakbayan sa Dabaw sulod lamang sa 12 ka adlaw o gikan Marso 1 hangtud 12 niining tuig kasamtangan.
Gikanayon ni SFO2 Ramil Gillado, ang hepe sa Intelligence & Investigation office sa Davao City Fire District grass fire ang pinaka-daghan sa nahisgutang ihap nga moabot sa 11 ka mga panghitabo, samtang 9 usab sa mga fire incidents natigayon sa mga pinoy-anan ug usaka establisamento.
Nag-una usab sumala pang hinungdan sa mga grassfire mao ang pagpataka ug labay sa upos sa sigarilyo ug ang napasagdang mga sagbot nga gidauban.
Tungod niini, gikanayon ni Gallido nga angayang mag-amping ang katawhan sanglit niining panahon sa grabeng ka init daghang mga sagbot ang daling mga malaya.
Gawas niini mipahimangno usab ang kabomberuhan batok sa mga residente nga nagbaton ug octopus wiring nga maoy hinungdan sa overloading sa supply sa kuryente ug maoy hinungdan sa mga dagkong sunog sa syudad.
